O fílii
2908
Skrýt akordy
Allelúia, allelúia, allelúia.
1. O fílii et fíliae,
Rex caeléstis, Rex glóriae,
morte surréxit hódie. Allelúia.
Allelúia, allelúia, allelúia.
2. Et mane prima sábbati,
ad óstium monuménti
accessérunt discípuli. Allelúia.
Allelúia, allelúia, allelúia.
3. Et María Magdaléne,
et Jacóbi, et Salóme,
venérunt corpus úngere. Allelúia.
Allelúia, allelúia, allelúia.
4. In albis sedens Angelus,
praedíxit muliéribus:
In Galilaéa est Dóminus. Allelúia.
Allelúia, allelúia, allelúia.
5. Et Joánnes Apóstolus
cucúrrit Petro cítius,
monuménto venit prius. Allelúia.
Allelúia, allelúia, allelúia.
6. Discípulis adstántibus,
in médio stetit Christus,
dicens: Pax vobis ómnibus. Allelúia.
Allelúia, allelúia, allelúia.
7. Ut intelléxit Dídymus,
quia surréxerat Jesus,
remánsit fere dúbius. Allelúia.
Allelúia, allelúia, allelúia.
8. Vide, Thoma, vide latus,
vide pedes, vide manus,
noli esse incrédulus. Allelúia.
Allelúia, allelúia, allelúia.
9. Quando Thoma Christi latus,
pedes vidit atque manus,
dixit: Tu es Deus meus. Allelúia.
Allelúia, allelúia, allelúia.
10. Beáti qui non vidérunt,
et fírmiter credidérunt,
vítam aetérnam habébunt. Allelúia.
Allelúia, allelúia, allelúia.
11. In hoc festo sanctíssimo
sit laus et iubilátio,
BENEDICAMUS DOMINO. Allelúia.
Allelúia, allelúia, allelúia.
12. Ex quibus nos humílimas
devótas atque débitas
DEO dicámus GRATIAS. Allelúia.
2025