1. Veni, veni Emmanuel,
Captivum solve Israel,
Qui gemit in exilio,
Privatus Dei Filio.
R: Gaude, gaude, Emmanuel
Nascetur pro te Israel.
2. Veni, veni, Rex gentium,
Veni, Redemptor omnium:
Ut salvas tuos famulos
Peccati sibi conscios.
3. Veni, veni, O Oriens,
Solare nos adveniens:
Noctis depelle nebulas,
Dirasque noctis tenebras.
4. Veni, Clavis Davidica,
Regna reclude cælica;
Fac iter tutum superum,
Et claude vias inferum.
5. Veni, O Jesse Virgula:
Ex hostis tuos ungula,
De specu tuos tartari
Educ, et antro barathri.
6. Veni, veni, Adonai,
Qui populo in Sinai,
Legem dedisti vertice,
In majestate gloriæ.
7. Veni, O Sapientia,
Quæ hic disponis omnia:
Veni, viam prudentiæ
Ut doceas et gloriæ.