2898
Atténde, Dómine, et miserére
la
Atténde, Dómine, et miserére,
quia peccávimus tibi.
1. Ad te, Rex summe, ómnium Redémptor,
óculos nostros sublevámus flentes:
exáudi, Christe, supplicántum preces.
Atténde, Dómine, et miserére,
quia peccávimus tibi.
2. Déxtera Patris, lapis anguláris,
via salútis, iánua caeléstis,
áblue nostri máculas delícti.
Atténde, Dómine, et miserére,
quia peccávimus tibi.
3. Rogámus, Deus, tuam maiestátem:
áuribus sacris gémitus exáudi:
crímina nostra plácidus indúlge.
Atténde, Dómine, et miserére,
quia peccávimus tibi.
4. Tibi fatémur crímina admíssa,
contríto corde pándimus occúlta:
tua, Redémptor, píetas ignóscat.
Atténde, Dómine, et miserére,
quia peccávimus tibi.
5. Innocens captus, nec repúgnans ductus,
téstibus falsis pro imppiis damnátus:
quos redemísti, tu consérva, Christe.
Atténde, Dómine, et miserére,
quia peccávimus tibi.
Zpěvník pro scholy 2026
2026